Тірі адам өлі танылып, зейнетақысыз қалды

Оралда таңғажайып оқиға орын алды: 1950 жылы туған зейнеткер Мәнсия Жақыпова қайтыс болғандар тізіміне қате енгізілгендіктен күн көрусіз қалды, деп хабарлайды ORDA.kz

Мәнсия ханым ақпан айындағы зейнетақысын неге алмағаны жөнінде сұрау үшін төлем орталығына барған. Нәтижесінде, ол өзінің қайтыс болғандар тізіміне қате енгізілгенін білген.

Енді әйел өзінің тірі екенін дәлелдеуі керек. Төлем орталығына қайтыс болғандығы туралы куәлікті кім бергенін ешкім білмейді. Зейнетақысынан айырылған ол қарыздарын төлей алмай отыр.  

«Банк - төлем орталығына, ал төлем орталығы - көші-қон қызметіне бару керек деп айтты», - дейді ол.

Әйел бұған дейін Казталов ауданында медбике болып жұмыс істегенін және 1996 жылы зейнеткерлікке шыққанын айтты.

«Зейнетке шыққаннан кейін біз қалаға көшіп келдік. 25 жыл бойы мен зейнетақы алдым. Ақпан айында мен қайтыс болғандардың тізімінде болғандықтан зейнетақысыз қалдым. Тірі адамды өлі деп тану миға қонымсыз ғой! Бұл қалай болғаны ?»- дейді Жақыпова.

Көші-қон қызметі тұрғындарды құжаттандыру және тіркеу мәліметтер базасына сәйкес, қайтыс болғандығы туралы тіркелмегендігін және алдыңғы құжаттар бойынша Мәнсия Жақыповаға түзету хаты жіберілгенін хабарлады.