Тинькофф банкі қызметкерлеріне Қазақстанға қоныстануды ұсынды

Қысқа тізімге Армения мен Беларусь кіреді, өйткені бұл елдерде де қаржы институтының кеңселері бар және қызметкерлер жұмысынан ажырап қалмай шетелге заңды түрде көше алады.

Дереккөздердің бірі 21 қыркүйекте ішінара жұмылдыру жарияланғаннан кейін топ-менеджерлер Қазақстан, Беларусь және Арменияға арнайы қоныс аударуды ұсынғанын, өйткені «желтоқсаннан бастап олар құпия деректерге барлық жерден қол жеткізуді тоқтатып, ол тек қана банктің осы елдердегі және Ресейдегі кеңселері арқылы ғана қолжетімді болатынын»  хабарлады дейді Forbes.ru Frank Media сайтына сілтеме жасап.

— Сіз кеңсесі бар елдерде қашықтан жұмыс істей аласыз. Бізге жай ғана TДО (Тинькофф дамыту орталығы)  бар елдерде техникалық қолдау болуы үшін көшіру ұсынылды, - деді басылымға жауп берген тағы бір адам басшылықтың бұл ауызша ұсынысы туралы.

Тинькофф банкі өздерінің  дамыту орталығы  Ресейдің 20 қаласында, сондай-ақ Минск, Ереван және Алматыда орналасқанын растады.

Басылымның тағы бір дереккөзі дәл осы орталықтар шетелге кеткен қызметкерлердің базасы болғанын атап өтті. Тинькофф банктың шетелдік кеңселері шағын, бірақ жұмылдыру басталғаннан бері олар айына 50 адамға кеңейе бастады.

Қызметкерді шетелдік кеңсеге ауыстыру үшін менеджер жеке басқару бөліміне өтініш беруі керек және бекітілгеннен кейін Мәскеумен еңбек шарты жабылып, қызметкерді  шетелдік заңды тұлға жұмысқа алады.

Тинькофф банкі  Frank Media журналистерінің сұрағына  «егер қызметкер қашықтағы форматқа ауысу маңызды болса, онда банк оны талқылауға және мұндай мүмкіндікті жүзеге асыруға дайын» деп  жауап берді.

Бір қызығы, Алматыда Тинькофф Даму Орталығы, лауазымдық нұсқаулықта көрсетілгендей, 2022 жылдың наурыз айында ғана ашылған.

Осы аптада банктің бұрынғы басшысы Олег Тинков Instagram желісінде Ресей азаматтығынан бас тартатынын жазды. Рас, бір-екі сағаттан кейін жазба кәсіпкердің парақшасынан жоғалып кетті, ал біраз уақыттан кейін жаңасы пайда болды. Онда Тинков жазбаны өз бетімен жоймағанын және мұны «Кремль айлалары» деп санайтынын түсіндірді.