Тимур Құлыбаевқа тиесілі «Halyk Bank» пайдасы миллиардтаған теңгеге өсті

Ерлі-зайыпты Құлыбаевтарға тиесілі  «Halyk Bank» 2024 жылдың екінші тоқсаны мен бірінші жартысында көрген пайдасын жариялады. Бұл актив Тимур Құлыбаев пен оның әйелі Динара үшін тиімді болды.

Бұл туралы Market Screener хабарлады.

Market Screener ұсынған деректерге қарасақ, екінші тоқсанда «Халық Банкінің» таза кірісі бір жылмен салыстырғанда 178,3 млрд теңгеден 201,1 млрд теңгеге дейін өсті. Тұтастай алғанда, бірінші жартыжылдықта Құлыбаевтар банкі 379 млрд теңгеден астам пайда көрді.  Салыстырар болсақ, 2023 жылдың бірінші жарты жылдығында «Халық банкінің» таза пайдасы 370,8 млрд теңге болды.

«Халық банкі» Құлыбаевтардың негізгі активтерінің бірі болып қала береді. Қаржы институтының пайдасы олигархтың Ресейдегі, Қырғызстандағы және Тәжікстандағы тиімсіз еншілес компанияларына қарағанда керемет көрсеткішпен өсіп жатыр.