Тимур Құлыбаев Олимпиада чемпиондарын марапаттады

Алматыда Қазақстандағы Олимпиада қозғалысының 30 жылдығы аталып өтіп, онда Ұлттық Олипиада комитетінің басшысы Тимур Құлыбаев танымал спортшыларға марапаттар табыс етті.

Мереке аясында Қазақстан тәуелсіздігі жылдарында олимпиадалық қозғалыстың дамуына үлес қосқан ардагерлер мен спорт қайраткерлеріне, көрнекті спортшылар мен жаттықтырушыларға салтанатты түрде құрмет көрсетілді.

«Қазақстан Республикасы ҰОК басшысы Тимур Құлыбаев Олимпиада чемпиондары Владимир Смирновты (шаңғы спорты), Александр Винокуровты (велоспорт) және Ермахан Ибраимовты (бокс) жоғары марапат – ҚР Ұлттық Олимпиада комитетінің орденімен марапаттады» деп хабарлады ҚР ҰОК.

Әртүрлі дәрежедегі құрметті медальдарды Олимпиада чемпионы Ольга Шишигина (жеңіл атлетика), Олимпиаданың күміс жүлдегерлері Сергей Филимонов (ауыр атлетика), Елена Хрусталева (биатлон), Олимпиаданың қола жүлдегерлері Дмитрий Карпов (жеңіл атлетика), Дариға Шәкімова (бокс) және басқа да спорт қайраткерлері алды.