Тимур Құлыбаев Лондондағы зәулім үйін 35 миллион фунтқа сатты

Қазақстандағы ең бай олигархтардың бірі, Нұрсұлтан Назарбаевтың күйеу баласы Тимур Құлыбаев Лондондағы үйін сатып жіберді. Сәнді жылжымайтын мүлікпен танымал Майфэйр ауданындағы үй үшін ол салыстырмалы түрде қарапайым 35 миллион фунт стерлинг (19 миллиард 197 миллион теңге) алды.

City A.M. басылымның айтуынша, Тимур Құлыбаев Жоғарғы Гросвенор көшесіндегі үйді наурыз айының басында сатқан. Мүлікті Deutsche Bank-тің бұрынғы директоры Бен Уильямс негізін қалаған North Wind Capital сатып алды. Жаңа қожайындар ғимаратты айтарлықтай етіп  қайта салуды жоспарлап отыр.

Қазір олигарх басқа үйге сатып алушы іздеп жатыр. Екінші люкс үй де наурыз айында сатылған үйге көршілес Майфэйрде орналасқан.

City А.М. Лондондағы люкс жылжымайтын мүлік бағасы Брекситтен кейін күрт төмендегенін көрсетеді. Сондықтан Мейфэйрдегі үйді небәрі 35 миллион фунт стерлингке сатып алу - сатып алушы үшін мәміле. Салыстыру үшін, сәуір айының соңындағы жағдай бойынша Лондондағы ең қымбат жылжымайтын мүлік 175 миллион фунт (95 миллиард 985,5 миллион теңге) тұрады.

«Құлыбаев 20 жылға жуық бір-біріне жақын орналасқан екі зәулім үйге ие болды, олар Монако елшілігіне тікелей қарама-қарсы және Букингем сарайынан бірнеше минуттық жерде орналасқан. Осы уақыттың бәрінде дерлік ол сатқан үй бос тұрды» деп атап өтті City A.M.

2024 жылдың басында Тимур Құлыбаевтың байлығы 4,6 миллиард долларға жеткен. Оның негізгі табысы қаржылық бизнестен келеді. Құлыбаев пен оның әйелі елдегі ең ірі Қазақстан Халық банкін басқаратын ALMEX компаниясына иелік етеді.