Time Путинді «жыл адамы» атағына үміткерлер тізіміне қосты

Ресей президенті Владимир Путин америкалық Time журналының нұсқасы бойынша «жыл адамы» атағына үміткерлер тізіміне енді.

Тізімге барлығы тоғыз үміткер енгізілді.

«1999 жылдан бері Ресей президенті және премьер-министрі қызметін атқарған Владимир Путин Украинадағы соғысты екінші жыл жалғастыруда. Путин 2023 жылы Вагнер көтерілісі кезінде қауіп-қатерге тап болды. Бірақ соңында Беларусь президенті Александр Лукашенко Евгений Пригожинмен келісімге келгеннен кейін жалдамалылар тобы шегініп, оның ықпалы күшейе түсті. Путин 2007 жылы TIME нұсқасы бойынша «Жыл адамы» деп танылды және бірнеше рет тізімге енді, соның ішінде 2022 жылы» деп жазады басылым.

Қысқа тізімге Карл III, Си Цзиньпин, Барби қуыршақтары, Голливуд бүліктеріне қатысушылар және Трамп ісінің прокурорлары кірді.

2022 жылы Украина президенті Владимир Зеленский Time нұсқасы бойынша «жыл адамы» атанды.

Жаңа титулдың иесі 6 желтоқсанда белгілі болады.