Тілдерге қатысты кемсітушілікке жол берілмейді

Қазақстан халқы Ассамблеясының сессиясында сөйлеген сөзінде Президент Қасым-Жомарт Тоқаев еліміздегі тілдердің мәртебесі туралы айтты.

Ол Қазақстан өзінің тарихына байланысты көптілді мемлекет екенін атап өтті. Бұл біздің артықшылығымыз және байлығымыз. Бірақ мемлекеттік тіл – қазақ тілі болып қала береді.

— Сонымен қатар, мемлекеттік тіл – қазақ тілі, біз де осыны естен шығармай, қазақ тілінің мәртебесін нығайта түсуге, бірақ зиян келтірмеуге, одан да басқа тілдерді және басқа тілдерде сөйлейтін азаматтар кемсітпеуге тиіспіз . Мен өзім Біріккен Ұлттар Ұйымында қызмет еттім, тиісті мемлекеттерде, әсіресе көп ұлтты мемлекеттерде ұлттық бірлікті сақтау қаншалықты маңызды екенін білемін, - деді Мемлекет басшысы.

Президент мемлекеттік тілді жетік меңгерген азаматтарға үлкен құрметпен қарайтынын, оларға қолдау көрсету қажет деп санайтынын да айтып өтті.

— Тілдерге қатысты ешқандай кемсітушілікке жол берілмейді. Бұл сұраққа Конституция нақты жауап береді – біздің еліміздің мемлекеттік тілі – қазақ тілі, бірақ орыс тілі де еліміздің Конституциясында, мемлекетіміздің негізгі заңында лайықты орын алады, - деп қосты Тоқаев.

29 сәуірде Қасым-Жомарт Тоқаев Қазақстан халқы Ассамблеясының съезінде ел Конституциясына өзгерістер мен толықтыруларды қабылдау бойынша референдум өтетінін жариялады.