Тікұшақ апаты: Командир сарбаздармен бірге мерт болды

Түркияда тікұшақтар апатқа ұшырап, командир мен сарбаздар ажал құшты, деп хабарлайды Orda.kz. 

Қайғылы оқиға Түркияның Испарта провинциясында болған. Жаттығу рейсі кезінде екі әскери тікұшақ соқтығысқан. Нәтижесінде тікұшақтардың бірі жерге құлады. Тікұшақ ішіндегі 5 әскери қызметкер және армия авиация мектебінің командирі мерт болды. Тағы бір сарбаз ауыр жарақат алған. 

Провинция губернаторы Абдулла Иринаның мәліметінше, бұл оқиға құрлықтағы авиация базасында жүйелі түрде өткізілетін жоспарлы жаттығулар кезінде болған. Оқиға себептері анықталып жатыр.