TikTok кейіпкері: туған анасы баласына 16 рет пышақ сұқты

Алматы облысының Өтеген батыр ауылында туған анасы балаға пышақпен шабуыл жасады.

Бұл туралы Orda.kz хабарлады.

Облыстық полиция департаментінің мәліметінше, 3 қараша күні сағат 15:00 шамасында 10 жасар бала ауруханаға жеткізілген. Бала бірнеше жерден пышақ жарақатын алған.

«Тексеру барысында 37 жастағы ана баласына пышақ жарақатын салғаны анықталды» деді полицияда.

Анасына қатысты сот-психиатриялық сараптама тағайындалды, диспансерге қамау мәселесі шешілуде.

Аталған факті бойынша «денсаулыққа қасақана ауыр зиян келтіру» қылмыстық бабы бойынша сотқа дейінгі тергеу жүргізілуде. Бірқатар сараптамалар тағайындалды. Тергеу барысында істің барлық мән-жайлары анықталады.

Оқиға туралы жергілікті Instagram парақшалардың бірінде жарияланды. Белгілі болғандай, дәрігерлерді баланың атасы шақырған. Дәрігерлер баланың денесінде арқа, мойын, қолдарынан 16 пышақ жарақатын байқаған. Анасы баланың мойнын кескілеп тастаған. Баладан травматикалық және геморрагиялық шокты анықталды.

Балаға шұғыл ота жасалды. Науқас тұрақты ауыр жағдайда.

Кейінірек баланың анасының соңғы үш күнде өзін біртүрлі ұстағаны белгілі болды: ол үйдегі барлық адамдардан жасырынып, өзін TikTok кейіпкерлері өлтіргісі келетінін, ал ұлы ойынға қатысушылардың бірі екенін айтты.

Жазба авторы әйелдің тағы бір 7 жасар қызы бар деп мәлімдейді. Бірақ оған шабуыл жасалмаған.