TikTok Қазақстанмен ынтымақтастық орнатады

Шығыс Еуропадағы танымал TikTok платформасы өкілдігінің директоры Олег Соколов компания Қазақстан аумағында мәдени-танымдық контентті дамытуды жоспарлап отырғанын мәлімдеді.

Бұл туралы Соколов ҚР Сыртқы істер министрінің орынбасары Алмас Айдаровпен және Kazakh Invest өкілдерімен кездесуде айтты.

– Олег Соколов TikTok компаниясының ҚР аумағында ұлттық театрлар мен мұражайларды сүйемелдеуді қоса алғанда, платформаның мәдени-танымдық мазмұнын күшейту туралы ниетін атап өтті, - деп хабарлады Kazakh Invest баспасөз қызметі.

TikTok делегациясы Қазақстанға білім беру, мәдениет, туризм және елдегі платформаны дамытудың басқа да мәселелерін талқылау үшін келгені айтылды.