TikTok 16 жасқа дейінгі пайдаланушылардың парақшаларына шектеу қояды

16 жасқа дейінгі TikTok қолданушыларының есептік жазбалары автоматты түрде шектеледі, деп хабарлады ORDA. Daily Mail-ге сілтеме жасап.

Хабарламада айтылғандай, әлеуметтік желі басқа пайдаланушыларға жас жігіттер мен қыздардың есептік жазбаларын автоматты түрде ұсынуды тоқтатады. Кәмелетке толмағандар өз жазбаларына кім пікір жаза алатындығын өздері шешеді. Сонымен қатар, 16 жасқа дейінгі блогерлермен видео дуэт жазуға тыйым салынады.

«Бүгін TikTok 18 жасқа толмаған пайдаланушылар үшін алдын-ала орнатылған құпиялылық параметрлеріне бірқатар өзгерістер жариялады. Бұл оларға мазмұнды жариялауға негізделген көзқарас қалыптастыруға көмектеседі. Осы күннен бастап біз 13 пен 15 жас аралығындағы барлық пайдаланушылардың есептік жазбаларын жаңартамыз, олар автоматты түрде жекешеленеді» - деп атап өтті TikTok баспасөз қызметі.

Осылайша, әлеуметтік желі жас қолданушыларды қорғамақшы.

Сондай-ақ, пайдаланушылар мобильді құрылғыларға 16 жастан асқан авторлар жасаған бейнелерді ғана жүктей алады. 16 мен 17 жас аралығындағы пайдаланушылар үшін бейнелерді жүктеу мүмкіндігі автоматты түрде өшіріледі, бірақ олар оны параметрлерде қоса алады.

«TikTok барлық пайдаланушылар, соның ішінде кәмелетке толмағандар өз шығармашылықтарымен еркін бөлісе алатындай етіп, платформада достық және қауіпсіз жағдай жасауға тырысады», - делінген хабарламада.