Thefiniko қаржы пирамидасы басшысына халықаралық іздеу жарияланды

Thefiniko компаниясының инвестициялық  бөлімінің басшысы Дана Батыршина халықаралық іздеуге жарияланды.

Бұл туралы Қаржы мониторинг агенттігі хабарлады.

Батыршина 1976 жылы дүниеге келді. Ташкент тумасы, шамамен 2020 жылдың шілдесінен 2021 жылдың шілдесіне дейін Thefiniko-ны басқарды.

«Ол азаматтардың жалпы сомасы 65,9 миллион теңге және 206,5 мың АҚШ доллары көлеміндегі қаражатын заңсыз тартқан. Thefiniko компаниясы сауда және инвестициялау платформасы емес әрі әлемдік биржалардың ешбірінде тіркелмеген», – деп хабарлады ҚМА.

Агенттік Thefiniko-ның ресми инвестициялық немесе сауда платформасы еместігін және әлемдегі ешбір биржада тіркелмегенін атап көрсетеді.

Батыршинаның орналасқан жері туралы ақпараты барларға келесі нөмірлер бойынша хабарласу ұсынылады: +7 (701) 218-05-23 немесе +7 (727) 279-29-56.

Пайдалы ақпарат үшін сыйақы уәде етілген.