Тежегіш пен газды шатастырып алған жүргізуші адам өліміне себепкер болды

Алматыда адам өліміне әкелген апат болды.

Оқиға 4 тамыз күні таңертең Назарбаев пен Жамбыл көшелерінің қиылысында болған.

Алдын ала болжам бойынша, жүргізуші көлігін артқы жағында шағын жаяу жүргіншілер жолы бар тұраққа қоя бастаған. Сол кезде оның бойымен үш жаяу жүргінші өтіп бара жатқан. Оларды артқы айнадан көрген жүргізуші тежегіш пен газды шатастырып, педальды қатты басып жіберген.

Бір жаяу жүргінші адам секіріп үлгергенімен, екі әйел дөңгелектің астында қалып қойған. Көлік ағашқа барып тірелген. Көлік пен ағаштың арасында қалған әйел ауруханада көз жұмды. Оқиға орнында жол полициясы қызметкерлері мен тергеуші жұмыс істеп жатыр.