Атыраудағы тергеу изоляторында күдіктілерге әкелінген сәлемдемелерді тексеру барысында бауырсақтың ішіне жасырынған ақ түсті дәрі-дәрмектер табылды.
Бұл туралы Orda.kz хабарлады.
— Заңсыз сәлемдеме УГ-157/1 мекемесінде ұрлық жасағаны үшін күдікті ретінде қамауға алынған азаматқа арналғаны анықталды. Мекемеге Атырау қалалық полиция басқармасының жедел тергеу тобы шақыртылып, тәркіленген дәрілік заттар сот-медициналық сараптамасына жөнелтілді, – деді мекеме бастығы Мейірбек Уразгалиев.
Сот медициналық сараптама қорытындысы шыққаннан кейін іс-құжаттар «курьерді» жауапкершілікке тарту үшін сотқа жолданады.
Айта кету керек, трамадол есірткілі анальгетик, апиынды рецепторлардың агонистік тобына жатады. Күшті анальгетикалық белсенділікке ие, жылдам және ұзақ әсер береді.
Препараттың ұсынылатын мөлшерінен сәл артық қолданғанның өзінде басталатын тәуелділік пен есірткіге тәуелділік проблемалары, айқын есірткілік масаю орын алатындықтан бірқатар елдерде, мәселен, Украина мен Белоруссияда бұл дәрмек ресми түрде есірткі деп танылған.
Тунгатарова Эльмира, Атырау
