Тергеу басқармасының бұрынғы орынбасары ұсталды

Халықаралық іздеу жарияланған Дастан Қайырбековті құқық қорғау орган қызметкерлері ұстады.

Қаржы мониторингі агенттігі 21 қазанда Ақмола облысының тумасы Қайырбековке мемлекетаралық іздеу жариялады.

«Жедел-іздестіру іс-шаралары барысында қаржы мониторингі агенттігінің елордалық департаменті іздестіріп жатқан аумақтық департамент басқармасы басшысының бұрынғы орынбасары Дастан Қайырбеков ұсталды.

Оған қатысты лауазымдық өкілеттіктерін асыра пайдалану фактісі бойынша қылмыстық іс тергелуде» деп хабарлады агенттікте.

20019 жылдың шілдесінен бастап елордалық экономикалық тергеу департаментінде жұмыс істеді. Күдіктіге қатысты лауазымдық өкілеттіктерін асыра пайдалану фактісі бойынша қылмыстық іс қозғалды.

Күдікті елордалық уақытша ұстау изоляторына қамалды. Оны іздеу барысында АФМ Қайырбековтің тұрған жері туралы ақпарат үшін ақшалай сыйақы беруге уәде берді.