Тергеу абақтысы қызметкерін бір жапырақ нан үшін жазалады

Атырау облысының тергеу абақтысында күдікті бір жапырақ нанның тастан да қатты екенін айтты деп хабарлайды Orda.kz.    

Күдіктінің бұл наразылығы видеоға түсірілген болатын. Бейнежазбада ер адам нанды күшпен камераның қабырғасына соғып, жеп жүрген ботқаның сапасына шағымданады. Видео жарияланғаннан кейін Атырау облысы қылмыстық-атқару жүйесі департаментінің басшылығы ішкі тексерісті бастады.  

«Оқиға бойынша қызметтік тексерістен кейін заң аясында лауазымды тұлғаларға тәртіптік шаралар қолданылды», деп хабарлады Атырау облысы департаменті.

Бұған дейін біз Атырауда тергеу изоляторы қызметкерлеріне қоқан-лоққы көрсеткендерге үкім шығарылғанын жазған едік. Кейін олардың кейбіреуі адам өлтіргені үшін сотталғаны және өздерін бүкіл елге танымал болған «Ағайынды төртеу» қылмыстық тобының мүшесі деп есептегені анықталды.