«Теңізшевройл» мен оның еншілес ұйымы «Самұрық-Қазынаға» қоршаған ортаға зиян келтіргені үшін миллиардтаған доллар айыппұл салынды

2023 жылдың тоғыз айында экологиялық ережелерді бұзғаны үшін салынған айыппұлдардың басым бөлігі «Теңізшевройл» мен «Самұрық-Қазына» қорының еншілес кәсіпорны Karabatan Utility Solutions компаниясына тиесілі. 

Бұл туралы Экология вице-министрі Мансұр Ошурбаев айтты, деп хабарлайды Orda.kz.

Атырау мұнай өңдеу зауытының өндірістік инфрақұрылымын салған оператор «Karabatan Utility Solutions» компаниясына Экология министрлігі төрт рет жоспардан тыс тексеру жүргізіп, нәтижесінде 7,3 млрд теңге айыппұл салынды.

«Karabatan Utility Solutions» ЖШС-де экологиялық рұқсатсыз парниктік газдар мен сарқынды суларға квота бөлу, жерді бүлдіру және берілген ұйғарымды орындамау бойынша бұзушылықтар анықталды», - деді Ошурбаев. 

Оның айтуынша, «Теңізшевройл» компаниясына қатысты ҚР ӘҚБтК-нің 337-бабы «Жерге зиян келтіру» және 328-бап «Қоршаған ортаға жол берілетін техногендік әсер ету нормаларын бұзу» осы екі бабы бойынша әкімшілік іс қозғалды. Сот оларды 2,8 миллиард теңге айыппұл төлеуге міндеттеді.

«Бар болғаны тоғыз айда Экология министрлігі 500-ден астам жоспардан тыс тексеру жүргізді, нәтижесінде 1224 заң бұзушылық тіркеліп, 10,7 млрд теңгеге 1500 әкімшілік айыппұл салынды, оның ішінде 1369 әкімшілік айыппұл өндірілді», - деді Ошурбаев.

Дегенмен осы уақытқа дейін өндірілген сома небәрі 1,2 миллиард теңге.