Теңіз мұнай-газ кен орнындағы қызметкерлер жалақы көтеруді талап етті

Теңіз мұнай-газ кен орнындағы «Кәсіби таңдау» ЖШС қызметкерлері жалақы көтеруді талап етіп отыр, деп хабарлайды Orda.kz Ақ Жайыққа сілтеме жасап. 

Жұмысшылар талап-арыздарын 21 сәуір күні жеткізді. «Кәсіби таңдау» ЖШС қойма қызметкерлері жалақыны 50%-ға арттыруды талап етіп жатыр. Ал көлік департаментінің қызметкерлері қойма қызметкерлерінің жалақысын 100% көтеруді талап етіп отыр. 

Олар 17 сәуір күні жазбаша өтініш жолдаған. 

Хатта олар инфляция жағдайында бағаның өсуі және күнкөріс деңгейінің жоғарылауы қажеттіліктерді жабу үшін жеткіліксіз екенін атап өткен. Қызметкерлердің айтуынша, жалақының өсуі одан да өнімді және жауапты жұмыс істеу үшін ынталандыру болады екен. Өтініште үш жұмыс күні ішінде ресми жауап беруі керек екені жайлы талап бар.

Ал бүгін, 21 сәуірде қызметкерлер өздерінің талаптарын ауызша айтып жатыр. 

«Кәсіби таңдау» ЖШС 2021 жылы тіркелген. Қайта тіркеуден 2025 жылдың 15 сәуірінде өткен. 

Айта кетейік, наурыз айында Ақмола облысындағы кеніште жұмысшы қаза тапқан еді.