Теңізде мұнай өндіру қысқарды

Алты өндірістік желінің бірінде жөндеу жұмыстары жүргізілуде.

Энергетика басқармасының мәліметінше, «өнімнің азайуы зауыттағы жоспардан тыс жөндеу жұмыстарын жүргізуге байланысты». Бұл ақпаратты Orda.kz тілшісіне «Теңізшевройл» компаниясы растады.

«Теңізшевройл» компаниясы Теңіз кенішіндегі алты өндірістік желінің бірі техникалық қызмет көрсету үшін уақытша істен шығарылғанын растайды. Аталмыш желідегі өндірістік қызмет ағымдағы жөндеу жұмыстары аяқталғаннан кейін қайта жанданады» деп хабарлады компанияның баспасөз қызметі.

Энергетика министрлігі мен «Теңізшевройл» жөндеу жұмыстарының нақты аяқталу мерзімін атамады.

Энергетика министрлігі тұрақты жұмыстың арқасында жыл басынан бері Теңіздегі өндіріс жоспары 102 пайызға орындалғанын баса айтты.

Orda.kz жуырда ресейлік мұнай компанияларының қазақстандық кен орындарын игеруге қатысуы, сондай-ақ Түркиядағы жер сілкінісінің қара алтынның әлемдік бағасына әсері туралы жазған болатын.