Теңіз кенішінде цистерна жарылысынан жұмысшы қаза тапты

Теңіз кенішінде цистерна жарылып, бір жұмысшы қаза тапты, деп хабарлайды «Ақ Жайық».

«8 ақпанда күндіз Теңізде салдары адам өліміне алып келген апат болды - WEST DALA компаниясына тиесілі «вакуум» көлігінің цистернасы жарылған. 37 жастағы жұмысшы қаза тауып, тағы 30 жастағы жұмысшы жарақат алды» делінген хабарламада.

Полицейлердің мәліметінше, ҚР Қылмыстық кодексінің 156-бабының 3-бөлігі («Адам өліміне әкеп соққан еңбекті қорғау ережелерін бұзу») бойынша сотқа дейінгі тергеу басталды.

WEST DALA мұнай-газ, медицина және басқа да салалардағы өндіріс қалдықтарын кәдеге жаратумен айналысады.