Теміртаудағы көпқабатты үйде газ жарылды

Теміртауда тағы бір көпқабатты тұрғын үйде газ жарылды. Жарылыс салдарынан пәтер иесі ауруханаға жеткізілген.

КТК телеарнасының мәліметінше, жарылыс түстен кейінгі уақытта болған. Оның күшінен кіре беріс пен пәтер терезелерінің талқаны шыққан. Мамандар газ қолдануда сақтық шараларын ескермеудің соңы апатқа әкелетінін тұрғындарға түсіндірді.

– Бес адамнан тұратын екі отбасы жатақханаға орналасты. 46 отбасы туыстары мен жалдамалы пәтерлерге кетті. Оның ішінде 10 отбасы пәтер жалдады. Жалдау қаражаты бюджет есібінен өтеледі. Тұрғындарға қираған пәтерлерден дүниелерін алуға бүгін рұқсат етілді. Одан кейін күрделі жөндеу жұмыстары басталады, – деді Теміртау қаласы әкімінің баспасөз хатшысы Әбдіғалиева.