Теміртауда төтенше жағдай режимі енгізілді

Бұл туралы қала әкімі Ораз Таурбеков ресми мәлімдеме жасады, деп хабарлайды Orda.kz.

«Кеше Оң жағалау тұрғындарын ауыз сумен қамтамасыз ететін су құбырыны маңында болған технологиялық жағдайға байланысты бұл аумаққа ауыз су беруді уақытша тоқтатуға мәжбүр болдық. Қалыптасқан жағдайдың барлық салдарын ескере отырып және қолданыстағы заңнама нормаларын басшылыққа ала отырып, мен төтенше жағдай жарияладым», — деді қала әкімі. 

Қала басшысы ауыз суды тез арада қалыпқа келтіруге уәде берді.