Теміртауда ер адамды айтқан сөзіне бола өлтіріп кетті

Теміртауда ер адам жігітке ескерту айтамын деп өлім құшты. Полиция қылмыстық іс қозғады, деп хабарлайды Orda.kz. 

Қайғылы оқиға кеше, 10 наурыз күні кешке Металлургтер даңғылында болды. Куәгерлер екі ер адамның жанжалын анық естіген. Олар екеуін тыныштандыруға тырысқанымен оқиға өліммен аяқталды.  44 жастағы ер адам 27 жастағы жігітке сөйлеген. Ал оған ер адамның айтқаны ұнамай қалыпты. Жас жігіт пышақ алып, оны жарақаттады. Куәгерлердің айтуынша, екеуі де мас болған. 

Қарағанды облысының полиция департаменті кісі өлтіру туралы ақпаратты растады.

Ведомствоның мәліметінше, 27 жастағы күдікті ұсталып, уақытша ұстау изоляторына қамалды.