Теміртау қаласында мейрамханада той жасағандар ұсталды

Желіде мониторингтік топтан қосалқы есік арқылы сыртқа шығып, қашып бара жатқан тойға жиналған адамдардың видеосы тарады.

Бұл туралы Orda.kz хабарлайды.

Оқиға Қарағанды облысы Теміртау қаласында 9 тамызда орын алған. Металлуртгтер даңғылының бойында орналасқан «Гранд холл Теміртау» мейрамханасында халық жиналған іс-шара өтіп жатқаны туралы 102 пультіне тұрғындар хабарласып айтқан.

Мейрамхана әкімшілігі ғимаратқа кіруге рұқсат беруден бас тартып, меймандарды мейрамхананың қосалқы есігінен шығарып жіберуге тырысқан. Алайла мониторингтік топ сыртқа шығып, қашып бара жатқандарды байқап қойған.

 – Аталған іс бойынша мейрамхана иесіне 670 мың 910 теңге айыппұл салынады. Естеріңізге сала кетейік, Қарағанды облысы коронавирустық инфекция аурушаңдығын тіркеу санының көптігіне байланысты қара-қызыл аймақта орналасқан. Осыған байланысты, азаматтардан карантин талаптарын сақтауды және өз денсаулығы мен жақындарының денсаулығын сақтауды сұраймыз! Маска режимін сақтаңыз, адамдар көп жиналатын орындарға бармаңыз, - Теміртау қаласы әкімінің баспасөз хатшысы Гүлнұр Әбдіғалиева.