Теміртау қаласында ауладағы төбелес кезінде 12 жасар бала мерт болды

Қарағанды облысы Теміртау қаласындағы аулалардың бірінде жасөспірім  балалар арасында жанжал болған.

Төбелеске қатысқан жеткіншектердің бірі ауруханада көз жұмды деп Orda.kz   Polisia.kz-ке сілтеме жасап хабарлайды.

24 шілдеде Старогородской полиция бөліміне 12 жастағы ер баланың Теміртаудағы ауруханада көз жұмғаны туралы хабарлама түсті. Полицейлер марқұмның аулада 13 жасар баламен жанжалдасқанын анықтап, білді.

Төбелес кезінде  марқұм дене жарақатын алған. Болған оқиға видеоға түсіп қалып,  әлеуметтік желіде таралып кетті.

— Полицияның анықтауы бойынша жәбірленуші қала тұрғындарының бірінің ауласында 13 жасар баламен жанжалдасқан. Жанжал төбелеске ұласқан кезде ол жарақат алған, - деп хабарлады Қарағанды ​​облысы полиция департаментінің баспасөз қызметі.

Бейнежазбаға қарағанда жасөспірім төбелесіп жатқан құрдастарын ажыратпақшы болған, бірақ сол кезде басынан соққы алған.

Қарағанды облысы полиция департаменті тергеу басқармасының басшысы Рустем Күлкеев аталған факті бойынша Қылмыстық кодекстің 104-бабымен тергеу жүргізілііп жатқанын жеткізді.  Сараптама тағайындалып, тергеу жалғасуда.