Темірлан Еңсебекке қатысты алғашқы сот отырысы өтті

QazNews24 сатиралық парақшасының әкімшісі Темірлан Еңсебекке қатысты алғашқы сот отырысы өтті, деп хабарлайды Orda.kz.

Темірлан Енсебекке қатысты алғашқы сот отырысы 27 ақпан күні сағат 17:00-де Алматының Алмалы аудандық сотында басталды. Ол сотқа онлайн режимде қатысты.

Отырыс күні кешкісін ғана белгілі болып, күтпеген жерден судья ауысты. Енді істі Серік Кенішев қарайды. Бұған дейін сот отырысы «судьяның отбасылық жағдайына» байланысты кейінге шегерілген еді.

Прокурор Айнаш Жуасбаева сотты тоқтатып, істі Наурызбай аудандық сотына ауыстыруды сұрады. Себебі оны дәл Наурызбай ауданында ұстаған. Адвокат алдымен оның тіркелген мекенжайын нақтылап, содан кейін істі Алмалы аудандық сотында қалдыру немесе ауыстыру туралы шешім қабылдау керектігін айтты. Еңсебек істің Алмалы аудандық сотында қалуын сұрады.

Судья прокурордың талабын қанағаттандырды.

Алдын ала тыңдау басталды, прокурор жазба Наурызбай ауданынан жіберілді деп мәлімдеп, сотты сол жаққа ауыстыруды талап етуде.

Адвокат Жанар Балғабаева бұл мәселенің тергеу кезінде бірде-бір рет көтерілмегенін атап өтті. Сонымен қатар, адвокат Темірланның сотқа оффлайн қатысуын сұрады.

Сонымен қатар, адвокат Балғабаева соттың ашық өтуін және халықаралық бақылаушылардың қатысуын сұрады.  

«Айыптау актісінде мені адамзатқа қарсы қылмыс жасады деп көрсетсе, онда адамзат осы сотты көретін болсын. Оның үстіне, сот қызықты өтеді», – деді Еңсебек.

Жанар Балгабаева сот отырысы кезінде Темірланды бостандыққа шығаруды сұрады.

«Менің қорғауымдағы адам сотталмаған, психоневрологиялық және наркодиспансерде есепте тұрмайды. Мінездемелері де өте жақсы. Бұлтартпау шарасын үй қамаққа ауыстыруды сұраймын», – деді адвокат.

Прокурор бұл өтінішті қанағаттандырмауды сұрады, себебі «оның қылмысы ауыр және адамзат қауіпсіздігіне қарсы жасалған».

Барлық өтініштер қанағаттандырылмады. Іс Наурызбай ауданына ауыстырылады. Темірлан Еңсебек қамауда қалады.

Сот отырысы бірнеше рет кейінге қалған. Алғашқы отырыс 14 ақпанға жоспарланып, кейін 21 ақпанға ауыстырылған, алайда белгісіз мерзімге тағы шегерілген.

Еске сала кетейік, белсенді Темірлан Еңсебекке қатысты қылмыстық кодексінің 174-бабы («Ұлт аралық араздықты қоздыру») бойынша қылмыстық іс қозғалған. Бұған оның Тина Канделаки туралы жазбасы себеп болған деп болжануда. Жарияланымға атышулы «Йоу, орыстар» әні тіркелген.