Өтемұратов: Бұл - менің беделімді түсіру үшін жасалған шабуыл

Интернетте миллиардер Болат Өтемұратовтың өз қызметкерлеріне жазған хаты пайда болды. Хаттың растығын компаниялар тобының баспасөз қызметі растады.

 «Құрметті қызметкерлер! Мен сіздерге жеке хат жазуды жөн көрдім. Менің ойымша, қазір көптеген адамдар не жазып, не айтып жатқанын түсіндіру өте маңызды», - деп бастады сөзін кәсіпкер өз хатында. Ол БТА банктің шағымына байланысты ағылшын сотының компания активтерін тоқтату туралы шешім қабылдағанын растады.

 «Мойындаймын, мен қатты таң қалдым. Олар дереу тергеуді бастады. Адвокаттар сот шешімі жалған құжаттар негізінде шығарылғанын растады. Қазір біз бұл шешімнің күшін жоюдың үстіндеміз. Бұл уақытты талап етеді және мәселе жақын арада шешілетініне сенімдімін. Сот ісі жүріп жатқан кезде мен ресми мәлімдеме жасамаймын, барлық компаниялар өз жұмысын жалғастыруда», - делінген хатта.

Өтемұратов ол үшін қызметкерлерінің өздерін сенімді сезінуі маңызды деп жазады.

«Енді мен бір нәрсе айта аламын - бұл менің және компанияларымыздың беделіне, біздің бизнесімізге нұқсан келтіру мақсатында жасалған шабуыл. Біз өзімізді дәлелдейміз», - делінген хатта.

 Хат соңында Өтемұратов қызметкерлерді сабырлыққа және жақын арадағы міндеттерін орындауға шақырды.

Хат ағымдағы жылдың 6 желтоқсанында жазылған.

Болат Өтемұратовтың қамалғаны туралы қауесет қараша айының соңында пайда болды. Содан кейін компаниялар тобының өкілдері «Өтемұратов Нұр-Сұлтанда жұмысын жалғастырып жатыр», - деп ақпаратты жоққа шығарды.