Telegram негізін қалаушы Павел Дуров Францияда ұсталды

Telegram желісі негізін қалаушы және ВКонтакте әлеуметтік желісін құрушы Павел Дуров Париж Ле Бурже әуежайында ұсталды. Оған бірқатар ауыр қылмыстар бойынша айып тағылуы мүмкін, деп хабарлайды Orda.kz.

Француздық TF1 телеарнасының хабарлауынша, Дуров 24 тамыз күні кешке жеке ұшағымен Парижге қонған кезде ұсталған. Бортта кәсіпкермен бірге оның оққағары мен телеарна аты-жөнін көрсетпеген әйел болған. Дуров Парижге Әзірбайжаннан келген. Алдын ала тергеуден кейін оны қамауға алу туралы санкция берілді.

TF1 хабарлауынша, Дуровтың ұсталуына Telegram-да модерацияның болмауы және кәсіпкердің заңсыз контенттің таралуын анықтау және жолын кесуде француз құқық қорғау органдарымен ынтымақтастықтан бас тартуы себеп болған. Француз қауіпсіздік күштерінің көзқарасы бойынша, бұл мессенджер негізін қалаушыны «есірткі саудасының, балаларға қарсы қылмыстардың және алаяқтықтың сыбайласы» етеді.

Дуров сотқа жергілікті уақыт бойынша 24 тамызда кешке келуі тиі еді. Оған терроризм, ақша жылыстату, қылмысқа қатысу және жасыру сияқты ауыр айыптар тағылуы мүмкін.

TF1 дереккөзінің мәлімдеуінше, Павел Дуров кепілге жіберу мүмкіндігіне қарамастан қамауда қалады. Бұл Франция билігінің көзқарасы бойынша «қылмыстық мазмұн ұясына» және «ұйымдасқан қылмыстың №1 платформасына» айналған Telegram үшін сигнал болуы тиіс.

Жақында Павел Дуров Қазақстанға келіп, елдегі мессенджер жұмысының сапасын арттыру жөнінде келіссөздер жүргізген болатын.