Телефон қуаттағыштан өрт шығып, үй өртене жаздады

Солтүстік Қазақстанда телефон қуаттағыштың кесірінен жер үй өртке оранды, деп хабарлайды Orda.kz. 

Тосын жағдайда шыққан өрт 15 шаршы метр аумаққа жайылды. ТЖМ қызметкерлері зардап шеккендер жоғын айтты. 

ТЖМ мәліметінше, дәл осындай жағдай 19 наурыз күні де болған. Сағат 12:41-де 9-қабатты тұрғын үйдің 2-ші қабатынан өрт шықты. Жалпы ауданы 5 шаршы метрді қамтыған. Өрттің шығу себебі телефон қуаттағыштан болған. 

Өрт сөндірушілер оқиға орнына жеткенше тілсіз жау ауыздықталды. Зардап шеккендер жоқ.