Телефон қуаттағыш жарылды: Америкалық ұшақ шұғыл қонуға мәжбүр болды

Кеше, 22 ақпанда Alaska Airlines әуе компаниясының Уичито қаласынан Сиэтл бағытына ұшқан рейсінде жолаушының литий-ионды қуаттағышы өртеніп, ұшақ шұғыл қонды, деп хабарлайды Orda.kz Kake News сайтына сілтеме жасап. 

Embraer 175 ұшағында барлығы 76 жолаушы болған. Жолаушылардың бірі телефонын литий-ионды сыртқы батарея арқылы қуаттап отырған кезде құрылғы аяқ астынан жарылып кеткен. Жалын шамамен 30 сантиметрге дейін көтеріліп, құрылғы иесінің қолы мен аяғы күйіп қалған. Батареяны жолаушылар аяқкиіммен басып сөндірген. Кейін бортсеріктер келіп, өрт сөндіргішпен жалынды толық өшірген. Алайда салонда қою түтін пайда болған. Төтенше жағдай жарияланып, ұшақ сағат 14:51-де аман-есен қонды.

Әуежай өкілдерінің мәліметінше, үш жолаушы медициналық тексеруден өтіп, бір адам жергілікті ауруханаға жеткізілген. Әуе компаниясы жолаушыларды Сиэтлге басқа рейстер арқылы жеткізу жұмыстарын жүргізген. 

Оқи отырыңыз:

• АҚШ алдағы күндері Иранға соққы жасауы мүмкін
• Шығын – 95 млн теңге. Шымкентте бірнеше адамды алдап кетті деген күдікті Түркиядан экстрадицияланды
• АҚШ президенті резиденциясын торуылдаған 20 жастағы жігіт оққа ұшты