Тексеру кезінде Жамбыл облысы спорт саласы кассасында 7 млн теңге жетіспеген

Жамбыл облысында Тексеру комиссиясы мемлекеттік аудит нысандарының лауазымды тұлғаларына 9 хаттама толтырып, жалпы сомасы 931,5 мың теңге айыппұл салды.

Себебі аталған комиссия аудитке ілінген мекемелердің бюджет қаражатын тиімсіз жоспарлағанын және (немесе) тиімсіз пайдаланғанын анықтаған.

 «Тараз-Арена» кәсіпорыны бойынша өтелуге жататыны қаржылық бұзушылықтар 16 102,9 мың теңге. Атап айтқанда: 2021 жылы кассада 7 288,1 мың теңге қаражаттың жетіспеушілігі және 2021-2022 жылдың 01-қазанына жалпы сомасы 8 814,8 мың теңге еңбек ақылары артығымен негізсіз төленген.

Мысалы комиссия келтірген төмендегі жазбада еңбекақы төлеу туралы бұзушылықтар нақты  көрсетілген.

«№5 ОМБЖСМ КММ-сі ғимаратының үй-жайларын күрделі жөндеу» бойынша:

- жүргізілген жұмыстың көлемі мен атқарылған жұмыс актісінің (Ф-№2) сәйкестігіне тартылған сарапшымен бірлесе жүргізілген бақылау өлшемі нәтижесінде 44 990,9 мың теңгеге сметалық құжаттамада көзделген жұмыстар орындалмағаны анықталды; 

- қысқы уақытта құрылыс-монтаждау жұмыстарын жүргізу кезіндегі 1 001,9 мың теңге қосымша шығындар негізсіз төленген; 

- қосылатын жұмыстарға арналған сметалық құжаттамасына қосылған жұмыс құны 4 074,1 мың теңгеге негізсіз ұлғайтылған.

Авторы: Исламбек Дастан, Жамбыл облысы