Текеліде сел салдарынан 5 жасар қыз жоғалып кетті

Бүгін түскі он екілер шамасында Текеліде сел салдарынан лай көшкіні жүрді. Бірнеше үй су астында қалды. Белгілі болғандай, олардың бірінде  5 жасар қыз жоғалып кеткен.

 «Сағат 12:00-де Қонаев көшесінің бойындағы 350, 348 үйлер ауданында топырақтың батпақтануы салдарынан тұрғын үйлерге лай көшкіні  жүріп өткені туралы хабарлама түсті. Үй иелерінің айтуынша, 5 жасар қыз жоғалып кеткен. Жергілікті атқарушы органдар лай көшкіні салдарын  жою үшін штаб құрды. Зардап шеккен отбасылар қауіпсіз жерге көшіріледі»  деп нақтылады облыстық Төтенше жағдайлар департаментінің баспасөз қызметі.

Текеліде селден жоғалып кеткен 5 жасар қызды 200-ден астам адам іздеп жатыр.

 Ресми мәлімет бойынша, 5 үй лай астында қалып, оның біреуі сүрілген. Бала дәл осы үйде болған.

Қазір сол жерде штаб құрылып, мамандар жұмыс істеп жатыр, жұрт топ-топқа бөлініп, өзара бөлініп, жоғалған қызды іздеп жатыр. Оған кинологтар тартылған. Әзірге нәтиже жоқ.