Текеліде сел кезінде қаза тапқан қызды жерлеуге әкімдік көмектеседі

5 жасар қыздың денесі бес сағаттан астам іздестірілді, баланың денесі құлаған  үйдің қирандылары астынан табылды.

Алматы облысының әкімдігі сел кезінде 5 жасар қызынан айрылған отбасына жерлеуге көмектесеміз деп уәде берді. Әзірге басқа төлемдер туралы айту қиын.

— Біз үйінділерді тазалаймыз. Қонаева көшесі – ең ұзын көшелердің бірі. Жолды тезірек ашамыз. Сел шайған үйлердің тұрғындарына Текелі қаласындағы қонақүйлерден уақытша баспана берілді. Мен бүгін төлемдер туралы ештеңе айта алмаймын. Өйткені бұл мәселені комиссия шешеді. Алматы облысының әкімдігі марқұм қыздың туған-туыстары мен жақындарына қайғыларына ортақтасып көңіл айтады. Жерлеуді ұйымдастыруға міндетті түрде көмектесеміз, - деді Orda.kz тілшісіне Алматы облысы әкімі Бозымбаевтың  кеңесшісі Ғалымұрат Жүкел.

Қыздың мәйіті сел қиратқан үйдің қирандылары астынан табылды. Болжам бойынша, сел кезінде ол үйде бақшада жұмыс істейтін анасымен бірге болған.

«Сағат 18.15-те Алматы облысы Төтенше жағдайлар департаментінің Бағира атты қызметтік ит Текелі қаласында лай көшкіні кезінде қаза тапқан үй қирандыларының астынан 2016 жылы туған қыздың денесін тапты» деп хабарлады құтқарушылар.

Зардап шеккен үйлердің қалған тұрғындары қазір қауіпсіз жерге орналасқаны  белгілі. Облыстық Төтенше жағдайлар департаментінің хабарлауынша, Текеліде аумақты лай көшкінінен  тазарту жұмыстары жүріп жатыр.

Оқиға  15 мамыр күні түске жақын болды, қаланы сел басып қалды. Алдын ала мәлімет бойынша, лай көшкінінің ұзындығы 50 метр, ені 25 метр, биіктігі 3,5 метр, көлемі 4375 текше метр болған. Салдарынан бір жеке үй толығымен қирап, біреуін ағын, тағы төрт көршілес ауланы жартылай лай басқан.

Алматы облысы әкімінің кеңесшісі Ғалымұрат Жүкел ескерту болғанын, бірақ Текеліге лай көшкіні түседі деп ешкім күтпегенін айтты.

— Енді «Қазселденқорғау» мамандары ТЖД қызметкерлерімен бірлесіп, мұндай қайталануы мүмкін (сел – ред.) қаланың барлық аумағында тексеру жүргізеді. Кеше түнде сағат бірлер шамасында таңға дейін жаңбыр жауды. Енді жаңбыр басылды. Жағдайды бақылауда ұстайтын боламыз, - деді Жүкел.