«Тек орыс тілінде қызмет көрсетеміз»: дүкенде арандатушылық тудырған әйелге үкім шықты

Павлодар қаласында әйел тек орыс тілінде қызмет көрсеткісі келгені үшін қылмыстық іс қозғалды, деп хабарлайды Orda.kz. 

Павлодар қаласының әкімшілік құқық бұзушылықтар жөніндегі мамандандырылған соты ұсақ бұзақылық фактісі бойынша істі қарады.

Сотта анықталғандай, 2025 жылғы 16 қаңтарда азаматша Н. Павлодар қаласы Лермонтов көшесіндегі дүкеннің кіреберіс есігі мен сөресіне «Тек орыс тілінде қызмет көрсетеміз» деген мазмұндағы хабарламаны жапсырған. Осылайша, ол қоғамдық тәртiп пен жеке тұлғалардың тыныштығын бұзатын, айналасындағыларға құрметсіздік танытатын әрекеттер жасаған.

«Н. өз кінәсін толық мойындап, өкінді. Ол өз әрекетін оның «Маған бір фарш беріңізші» деген өтінішіне сатушының орысша сөйлеуін талап етуімен түсіндірді. Бұл оның осы әрекеттерге баруына түрткі болған. Н-ның кінәсі оның түсініктемелерімен, куәлардың айғақтарымен, бейнежазбамен, сондай-ақ басқа да іс материалдарымен анықталды», деп хабарлады Павлодар соты.  

Сот павлодарлық азаматшаны кінәлі деп тауып, 55 048 теңге мөлшерінде айыппұл түріндегі жаза тағайындады. Сот қаулысы заңды күшіне енген жоқ.