«Тек біздің өңірде емес» — Түркістан облысының әкімі қылмыстар жайлы

Түркістан облысының әкімі Дархан Сатыбалды аймақтағы қылмыстар саны бойынша өңірлік антирейтингтің соңғы қатарында тұрғанын, көш бастап тұрмағанын атап өтті, деп хабарлайды Orda.kz.

Бұл сұрақты оған 28 қарашада өткен брифингте журналистер қойды. Әкімнің айтуынша, мұндай жағдайлар басқа жерлерде де болып жатыр. Сондықтан тек Қазақстанның оңтүстігін ерекше атап өту әділетсіздік болады.

«Бұрынғы жылдармен салыстырғанда балалар арасындағы суицид пен оларға қарсы жасалатын қылмыстар саны азайып келеді. Біз бұл бағытта шаралар қабылдап жатырмыз. Жергілікті бюджеттен қаражат бөліп, мектеп психологтарымен жұмыс жүргізілуде. Олар біліктілігін арттыру курстарынан өтіп жатыр. Балалар арасындағы жүктілік мәселесіне де тоқталсақ, мектеп қызметкерлерімен және ата-аналармен тығыз жұмыс жасалуда. Барлық мектептерде ауқымды сауалнама жүргізіп, нәтижесіне қарап нақты оқушылармен жұмыс істейміз. Жазғы уақытта оларды түрлі шараларға тартып, бос уақыттарын тиімді өткізуге көмектесеміз», – деді Дархан Сатыбалды. 

Сатыбалды өзінің өңір тұрғындарына шынайы жанашыр екенін атап өтті. Ол Республиканың бала құқықтары жөніндегі уәкілі Динара Зәкиевамен бірнеше рет кездескенін айтты. Сонымен қатар омбудсмен оның орынбасарларымен тұрақты хабарласып тұрады екен.