Тегін тіл үйрену саябағы

Алматыда қазақ және шет тілдерін оқыту бойынша тегін курс ұйымдастыруға бағытталған «Тілдер саябағы» қалалық әлеуметтік жобасы ашылды.

Бұл туралы Алматы қаласының әкімдігі хабарлады. 

Алматы қаласының ірі саябақтарында қала әкімдігінің қолдауымен «Тілдер саябағы» лингвистикалық жобасы іске асуда.

Серуендеп жүріп қазақ, орыс, ағылшын, түрік, қытай және корей тілдерінен тегін сабақ ала аласыз. Сабақтар аптасына 3 рет өткізіледі, 6 жастан 60 жасқа дейін барлық ниет білдіруші қатыса алады. Жоба аяқталған соң қатысушыларға тілді меңгеру деңгейін растайтын сертификат беріледі.

«Жобаға басқа да шет тілдері қосылады. Бұл жоба қыркүйектің соңына дейін екі ай бойы жұмыс істейді. Жобаның ең белсенді қатысушылары үшін күзгі-қысқы уақытта ауданның комьюнити орталықтары базасында оқу жалғасады. Осылайша, жоба қала тұрғындарын жыл бойы оқытады», - деді жоба ұйымдастырушылары.

«Тілдер саябағы» аясында сабақтар барлық ауданда бір мезгілде өткізіледі. Курстың кестесін мына сілтеме бойынша көруге болады: