Тегін берілетін 38 дәрі енді ақылы болмақ

Амбулатория қамтамасыз ететін тегін дәрі-дәрмек енді ақылы болмақ.

Бұл туралы денсаулық сақтау министірлігі тиісті бұйрық жобасын әзірледі.

Тегін берілетін дәрілік заттар тізбесінен мыналарды алып тастау ұсынылды:

• «Омепразол»;
• «Амоксициллин»;
• «Кларитромицин» және тағы үш түрі.

Медициналық сақтандыру аясында ересектерді емдеуге бұдан былай жоспарланбайтын дәрілік заттар тізіміне мыналар кіреді:

• «Азитромицин»;
• «Фамотидин»;
• «Карбамзепин»;
• Көзге арналған жақпа «Ацикловир» және т.б.

Міндетті медициналық сақтандыру жүйесі бойынша 18 жасқа дейінгі балалар бұдан былай келесі дәрілермен  тегін қамтамасыз етілмейді:

• «Ранитидин»;
• «Мультиферман»;
• «Ибупрофен»;
• Парацетамол және басқа препараттар.

Барлығы 32 ауруды емдеуге тағайындалған препараттарды тізімнен алып тастау жоспарланып отыр.

«Өмір сүру ұзақтығына әсер етпейтін дәрінің 32 түрі алынып тасталды.Өмір сүру ұзақтығына әсер ететін басқа созылмалы ауруларды дәрі-дәрмекпен қамтамасыз етуді арттыру қажет» деп хабарлады министрлік.

Тегін дәрілер тізімінен алып тастау жоспарланған дәрілік заттардың толық тізбесін Ашық НҚА порталында табуға болады.

Жобаны қоғамдық талқылау 17 шілдеге дейін жалғасады.