Теңіз кентінде бір жұмысшы өз-өзіне қол салды

cover suicide concept. noose with shadow on dark wall background

Түнгі ауысымда жұмысқа шыққан мердігер компанияның 28 жастағы жұмысшысы өзіне қол жұмсаған.

Төтенше жағдай өткен түнде Қазақстанның ең үлкен мұнай кен орнында болды. Марқұм - «Сенімді құрылыс» мердігер компаниясының жұмысшысы. Ол түнгі ауысымға жұмысқа шығып, жұмыс орнында асылып қалған. Оның денесін әріптестері тауып, жедел-жәрдем шақырған, бірақ ол кезде кеш болған.

Әріптестерінің айтуынша, жұмысқа байланысты ер азаматтың еш қиындығы, жанжал болмаған. «Теңізшевройл» Orda.kz тілшісінің сауалына аталған оқиғаны растап жауап берді.

«Теңізшевройл «Сенімді құрылыс» мердігерлік компаниясы қызметкерлерінің бірінің денесі табылғаны туралы хабардар етілді. Тиісті мемлекеттік органдар дер кезінде хабарландырылды және одан кейінгі мәселелерді оларға немесе мердігер компанияның басшылығына жолдау керек», - деді ТШО баспасөз қызметі.

Атырау облыстық полиция департаменті тергеу шараларын бастады.

Жаңалықтар

барлық жаңалықтар