Тбилисидегі  наразылық білдірушілер шеруі шегіне жетті

Тбилисидегі Грузия парламентінің жанында өтіп жатқан наразылық шеруінің соңы бөтелке мен тас лақтыруларға ұласты, деп хабарлайды EADaily.

Наразылық білдірушілер шетелден қаржыландырылатын заңды тұлғалар мен БАҚ-ты тіркеуді көздейтін «сыртқы агенттер туралы» заң жобасын бірінші оқылымда қабылдауға қарсы. Полиция жиналғандарға қарсы көзден жас ағызатын газ бен су атқыштарын қолданды. Парламент ғимаратынан депутаттар шұғыл эвакуацияланғаны хабарланды.

Грузия полициясы Тбилисидегі наразылық білдірушілерді парламент ғимаратынан қуып жіберді. Акция таратылғаннан кейінгі жаппай тұтқындаулар туралы ақпарат бар.

Өз кезегінде Грузия президенті Саломе Зурабишвили шерушілерді қолдап, шетелдік агенттер туралы заңға тыйым салуға уәде берді.

Бұл ретте Еуроодақтың сыртқы саясат басшысы Жозеп Боррелл Тбилисиде наразылық тудырған шетелдік агенттер туралы заң ЕО құндылықтарымен үйлеспейді және Грузияның Еуропалық Одаққа қосылу мақсатына қайшы келеді деп мәлімдеді.