Тәжікстанда тырысқан немесе қара киім киюге тиым салынды  

Тәжікстанның ғұламалар кеңесі ұлттық киім киюді қолдайтын пәтуа шығарып, әйелдер мен қыздарға «тырысқан, қара түсті киім киюден» бас тартуға кеңес берді. Яғни, шенеуніктердің пікірінше, тәжік мәдениетінен «бөтен» киім киюден бас тару керек.

Пәтуада тырысқан және дене бөліктері көрінетін киімдер адам назарын аударатыны айтылған. Сонымен қатар, қара түстің ханафи мазһабы тұрғысынан парыз еместігін, Тәжікстанның ұлттық ерекшеліктері мен географиялық жағдайларына сәйкес келмейтіні мысалға келтірілген. Бұл ретте пәтуада, қара киімнің қандай екені нақты көрсетілмеген, бірақ, арабтардың қара шапандары, сондай-ақ хиджаб пен орамал бас киімдері дегенді білдіреді.

Тәжікстанда әлі күнге дейін «бөтен» деп аталатын киімге қатысты ресми түсініктеме жоқ, бірақ билік негізінен «исламдық» деп аталатын киімдерді киюге тыйым салуды көздеп отыр. Тәжікстан билігі қабылдаған қадамдарды Мұсылман ғұламалар лигасын айыптап, Ауғанстандағы кейбір радикалды діни қызметкерлер «жиһад» жариялады.

Тәжікстандағы ұлттық және «бөтен» киімдерге қатысты даулар көп жылдар бойы толастамай келеді. Билік ұлттық құндылықтарды дәріптеу және экстремизмнің алдын алу үшін этникалық киім үлгілерін насихаттап жатқанын айтады.