Тәжікстан президенті ел атына кір келтірмеуге шақырды

Тәжікстан президенті Эмомали Рахмон елді Рамазан айының аяқталуымен құттықтады, деп хабарлайды Orda.kz порталы.

Президент күні ертең дүние жүзі мұсылмандары құрмет тұтатын айт мерекесі келе жатқанын тілге тиек етті.

«Осы қасиетті де діни мерекеге орай даңқты Тәжікстан халқын және шетелдік қандастарымызды шын жүректен құттықтаймын. Еліміздегі әрбір отбасына бақытты да баянды өмір, ал сүйікті Отанымызға мәңгілік мызғымас бейбітшілік пен баянды тұрақтылық тілеймін», - деді. 

Сондай-ақ елді тәжік халқына кір келтірмеуге шақырды.

«Біз балаларымызды даңқты бабаларымыздың есімі мен естелігіне лайық болатындай етіп тәрбиелеуіміз керек, мемлекет пен ұлттың халықаралық аренадағы беделі мен имиджін көтеріп, ешбір жағдайда тәжік халқының абыройына нұқсан келтірмейтіндей етіп тәрбиелеуіміз керек», - деді.

Еске салай кетейік, 22 наурыз күні Ресейде Крокус Сити Холл теракт болған еді. Салдарынан 144 адам қаза тапқан. Ал зардап шеккендер саны 551 адамға жеткен. Күдікті ретінде төрт Тәжікстан азаматы ұсталған.