«Таза ауа жұтқың келсе - тауға шық»: алматылықтарға арналған жаңа экосаясат

Әкімдік «Ауа атмосферасын қорғау бойынша арнайы экологиялық талаптар енгізу туралы» жоба ұсынды. Құжат мегаполистің болашақ экосаясатына негіз болуы тиіс, деп хабарлайды Orda.kz.

 Жария талқылаулар осы жылдың тамыз айында өтті.

 Қалалық экология басқармасының мәліметінше, Алматыдағы барлық шығарындылардың 60% -ы бүгінде автокөліктерге тиесілі. Қалғандарының барлығы - жеке сектор, өнеркәсіптік кәсіпорындар, монша, кәуап, қоғамдық тамақтану, құрылыс нысандарына тиесілі.

 Жаңа жоба ластану деңгейін кезең-кезеңмен төмендетуді ұсынады. Шаралар қатарында - зиянды қалдықтардың стационарлық көздерін жаңғырту, отынның экологиялық түріне көшу және басқалары бар.

Ал алматылықтардың өздері қалада таза ауа тапшы екенін мойындайды.

2022 жылы Алматыдағы  Ғылым академиясы ғимаратының алдында өткен «Таза ауа үшін» митингісі өтіп, оған 200-ге жуық адам жиналған еді:

                                      Фото: 2022 жылғы мұрағаттан.

2024 жылы  түтін тұмшалаған Алматы туралы Қанат Бейсекеевтің жаңа фильмі жарық көрді.Қаланың жоғарғы бөлігінің тұрғындары салыстырмалы түрде таза ауамен дем алса, төменгі бөлігінде жағдай әлдеқайда нашар. Бұл фильм Алматы тұрғындарына ғана арналмаған, өйткені сапасыз ауа еліміздің басқа аймақтары үшін де өзекті мәселе.