Тау бөктеріндегі бейберекет құрылыс - алматылықтар Досаевпен кездесті

Алматы қаласының әкімі Ерболат Досаевпен кездесуде тау бөктеріндегі тұрғындар бақылаусыз салынып жатқан құрылыстарға шағымданды, деп хабарлайды Orda.kz.

Әкіммен кездесуде ашық микрофон айналасында сөз сөйлегісі келетіндер қатары түзілді. Сұрақтардың басым бөлігі заңсыз құрылысқа қатысты. Таудағы бағбандық бірлестіктердің кең аумақтары қосылғаннан кейін бұл мәселені әсіресе, соңғы көшкін кезіндегі  қайғылы оқиғаларға байланысты Медеу ауданының тұрғындары қатты сезінуде.

«Осы жағдай кезінде қаза тапқандардың туыстарына көңіл айтамын. Себептер техногендік және шаруашылық тұрғыдан. Менің сұрағым су заңнамасын бұза отырып жүргізіліп жатқан құрылысқа қатысты. Осындай құрылыс салдарынан адамдар қаза табады», – дейді қоғам қайраткері.

Екі жыл бұрын 15 градустан жоғары беткейлерде құрылыс салуға тыйым салу мәселесі көтерілген болатын. Бірақ белсенділердің айтуынша, мұндай жерлердегі құрылыс күні бүгінге дейін жалғасуда.

«Бақылау мүлдем жоқ. Құрылыс салушылар әлі де заңдағы олқылықты пайдаланады: олар жеке тұрғын үй құрылысы үшін жер сатып алады, содан кейін көп пәтерлі тұрғын үй кешенін салады. Сондай-ақ құрылыс  үшін беткейлер толтырылып, бау-бақшалар түп-тамырымен жойылып  жатыр. Каменский үстіртінде мұндай бірнеше учаске бар», - дейді жергілікті белсенді. 

Әкімге қарата сөз сөйлеген тұрғындар одан болашақта адам өмірін сақтап, өзінен бұрынғылардың қателігін түзететін басшы болуын сұрады. Осы орайда Есентай өзенінің бойында орналасқан «Grand Asia Kempinski» деп аталатын қонақ үйді де еске түсірдік. Қоғамдық белсенді Ю.Н.Маленькихтің айтуынша, 2014 жылы салынған құрылыс су қорғау аймағында орналасқан және су заңнамасы нормаларын түбегейлі бұзады.

«Кезінде Есімов су қорғау аймағын қысқарту туралы қаулыға қол қойды, негізі бұл тек Қазақстан Республикасы үкіметінің құзырында. Оның үстіне ҚР Президенті Әкімшілігінің қонақ үйінен жоғары аэродром салынды», - дейді Маленьких.

Досаев өз кезегінде құрылыс қызметі туралы заңда кемшіліктер бар екеніне тоқталды.

«Бүгінде жеке тұрғын үй құрылысы рұқсатсыз салынып жатыр. Құрылыс аяқталғаннан кейін хабарламалар заңдастыруға жіберіледі. Бір жағынан, жеке тұрғын үй құрылысы азаматтардың жеке баспанаға ынталандырса, екінші жағынан рұқсат беру тәртібін ретке келтіру де керек», - деді әкім. 

Бастапқыда тұрғындар мен әкімнің кездесуі сағат 9:00-ге жоспарланған болатын, бірақ әбден кеш болғанда уақыт бір сағат бұрынға ауыстырылды, залдағы бос орындар содан болса керек.

Естеріңізге сала кетейік, ақпанның 7-нен 8-іне қараған түні Медеу ауданындағы «Тау-Самал» шағын ауданында лай көшкіні жүріп, төрт адам қаза тапқан болатын.