Тәтішевтің отбасы Мұратхан Тоқмәдидің абақтыдан шығуына қарсы

«Тұран Әлем» банкінің топ-менеджері Ержан Тәтішевті өлтіргені үшін сотталған кәсіпкер Мұратхан Тоқмәди 6 жылдан соң шартты түрде мерзімінен бұрын босату жайлы сот шешімі шыққан болатын. Алайда бұған Тәтішевтің отбасы қарсы болып отыр.

Бүгін бизнесмен Мұратхан Тоқмәдидің Ержан Тәтішевті өлтіргені үшін мерзімінен бұрын  босатылатыны белгілі болды. Бұл туралы Orda.kz хабарлады.

Қонаев қаласының соты оның өтінішін мақұлдады. Бұл шешімге қайтыс болған бизнесменнің отбасы наразы болып отыр.

Orda.kz оның әйеліне хабарласып сұрағанда Жәмилә Тоқмәди оны босататынын хабарлады.

Ержан Тәтішевтің отбасы шешімнің алдын ала хабарланбағанына ренжіді. Прокуратура мен сотты Тоқмәдидің шартты түрде мерзімінен бұрын босатылу мәселесін қайта қарауға шақырды. Олар оның өтінішін қанағаттандыруға қарсы.

«Мұратхан Тоқмәди 2017 жылғы маусымнан бастап қамауда болды. Сот шешімінен бұрын ол бопсалағаны және қару сақтағаны үшін 3 жылға бас бостандығынан айырылған. Қазіргі үкімге сәйкес, Тоқмәди 2030 жылға дейін қамауда болуы тиіс», — деді марқұм бизнесменнің ұлы Алпамыс Тәтішев.

Тоқмәди 2004 жылдың желтоқсанында БТА банкінің басшысы Ержан Тәтішевті қасақана өлтіргені үшін сотталды. Ол кінәсін мойындамады. Айтуынша, тергеушілер мен ҰҚҚ-ның азаптап мойындатқан. Ал прокуратура оның мерзімінен бұрын босатылуына көмектесуге уәде берді. Тоқмәди бірнеше рет мерзімінен бұрын босатылу үшін өтініш білдірген, бірақ осы уақытқа дейін ол қабылданбай келді.