Тасымалдауды цифрландыру: Қазақстанның ЕАЭО-дағы жаңа жобасы

Қазақстан Орталық Азияда, Транскаспий бағыты бойынша және Закавказье елдеріне жүк тасымалдауды жеңілдетуге және жеделдетуге бағытталған «Жіксіз транзит» жобасын ұсынды. Тұсаукесер Еуразиялық экономикалық комиссия шарасында өтті, деп хабарлайды Orda.kz.

Қытай – Қазақстан – Өзбекстан (Оңтүстік көлік дәлізі) бағыты бойынша 2024 жылдың мамыр айында «Жіксіз транзит» басталды. Жүйе Қазақстан-Қытай шекарасындағы «Алтынкөл» өткізу пункті арқылы жүктердің жедел өтуін қамтамасыз ете отырып, теміржол көлігімен контейнерлік тасымалдауды әкімшілендіруді автоматтандыруға мүмкіндік береді.

Жоба Қазақстан Республикасы Қаржы министрлігі Мемлекеттік кірістер комитеті мен «Қазақстан темір жолы» АҚ қолдауымен жүзеге асырылуда. 2025 жылдың бірінші тоқсанында жобаны Қытай – Қазақстан – Ресей – Беларусь (Солтүстік көлік дәлізі) бағыты бойынша іске қосу жоспарлануда.