Тасмағамбетов ҰҚШҰ Бас хатшысы болды

Иманғали Тасмағамбетов 2023 жылдың 1 қаңтарынан бастап ҰҚШҰ Бас хатшысы болып тағайындалды.

«ҰҚШҰ Ұжымдық қауіпсіздік кеңесінің шешімімен ол Ұжымдық қауіпсіздік шарты ұйымының бас хатшысы қызметіне үш жыл мерзімге тағайындалды»  делінген ҰҚШҰ сайтында.

Тасмағамбетов 2017-2019 жылдар аралығында Қазақстан Республикасының Ресей Федерациясындағы Төтенше және Өкілетті Елшісі қызметін атқарған. Бұған дейін әр жылдары премьер-министр, қорғаныс министрі қызметтерінде болып, Алматы және Астана қалаларының әкімі болды.

Айта кетейік, 2023 жылы Ұжымдық қауіпсіздік шарты ұйымына төрағалық Армениядан Беларуське өткен болатын.