Тасқын салдарынан түрмедегі 700 адам эвакуацияланды

Оралдағы су тасқыны салдарынан №27 түзету мекемесіндегі сотталғандар еліміздің басқа өңірлеріне эвакуацияланды, деп хабарлайды Orda.kz порталы.

Бұл туралы ақпаратты Қылмыстық Атқару жүйесі комитетінің Батыс Қазақстан облысы бойынша департаментінің баспасөз қызметі хабарлады.

"Жайық өзеніндегі су деңгейінің артуына және №27 мекемесін су басу қауіпіне байланысты, жеті жүзге жуық сотталған адам басқа өңірлерге эвакуацияланды. Олар Ақтөбе, Тараз, Шымкент және Қызылордаға көшірілді" деп хабарлады баспасөз қызметі.