Ташкент қазақтары су тасқынынан зардап шеккендерге гуманитарлық көмек жөнелтті

Алғашқы қажетті заттары бар жүкті бүкіл халық  болып жинап, Қостанай облысына жөнелтті.

Өзбекстан астанасындағы қазақ қауымы өкілдері жинаған жүк көлігіне киім-кешек, азық-түлік, төсек-орын – үйсіз қалғандарға қажет нәрсенің бәрі тиелген. Жүк Қазақстанның солтүстігіне – Қостанай облысына жөнелтіледі.

Ресми деректер бойынша Өзбекстанда 800 мыңнан астам қазақ тұрады. Басым бөлігі Қазақстанмен шектесетін аудандарда, соның ішінде Ташкент пен Ташкент облысында.

Еске салайық, Өзбекстан билігі Қазақстанға гуманитарлық жүк тиелген 15 жүк көлігін жіберген болатын.