Тәртіп бұзған Алматы-Сочи рейсінің жолаушысы қамауға алынды

Алматы-Сочи рейсінің 29 жастағы мас жолаушысы әуежайда қоғамдық тәртіпті бұзғаны үшін 15 тәулікке қамауға алынды, деп хабарлайды Orda.kz ҚР Ішкі істер министрлігіне сілтеме жасап.

Оқиға Алматы әуежайында рейске отыру кезінде орын алған, осы кезде мас қыз әуе компаниясының қызметкерлеріне балағат сөздер айтып, өзін агрессивті ұстаған.

Түсіндірмелерге қарамастан жолаушы сабырға келмей, жөнсіз әрекетін жалғастыра берген. Полицейлер оны қосымша тергеу үшін полиция бөлмесіне апармақ болғанда, бойжеткен олардың талабын орындаудан бас тартты.

Көлік полициясы бірнеше бап бойынша: қоғамдық орындарға мас күйінде шығу, ұсақ бұзақылық және тәртіп сақшыларының заңды талаптарына бағынбау бойынша әкімшілік хаттама толтырды.

Полицейлердің мәліметінше, қыз бұған дейін қоғамдық орындарда алкогольдік ішімдік ішкені үшін әкімшілік жауапкершілікке тартылған. Бұл жолы сот оны 15 тәулікке қамауға алу туралы шешім шығарды.