Тарихи жеңіске қол жеткізген қазақстандық чемпион тағы бір медаль иеленді

Парабиатлоннан Қазақстан тарихындағы тұңғыш әлем чемпионы Ербол Хамитов шаңғы жарысынан әлем чемпионатының медалін жеңіп алды, деп хабарлайды Orda.kz. 

Туризм және спорт министрлігінің баспасөз қызметі хабарлағандай, қазақстандық спортшы спринт жарысында Тронхеймде (Норвегия) тірек-қимыл аппараты зақымданған спортшыларға арналған әлем чемпионатында үшінші орынға ие болды. Қазақстандық спортшы украиналық спортшыға есе жіберді. Ал алтын бразилиялық Вестемайер Рибериге бұйырды.

Естеріңізге сала кетейік, 9 ақпанда Ербол Хамитов Словенияда өткен парабиатлоннан әлем чемпионатында жеңіске жетті.

Ербол Хамитов бала кезінен өмірін кәсіби спортпен байланыстыруды жоспарлаған. 19 жасында тізесінен жараланып, дәрігерлер аяғын кесіп тастаған.